நான்
எழுதிய கடிதங்களை
உனக்கு
சேர்க்க முடியவில்லை!

அனுப்புனரும்,
பெறுநரும்,
ஒன்றான பிறகு
யாரிடமிருந்து
யாருக்கு அனுப்ப?  என்னிடமிருந்து எனக்கா?

உன்னிடமிருந்து உனக்கா?
நம்மிடமிருந்து நமக்கா?

என் இதயத்தின் எல்லா தொகுதிகளிலும்
வெற்றி பெற்றுவிட்டாய்,
காதல் பதவியை
என்றைக்கு
ஏற்றுக்கொள்ள போகிறாய்?

குத்துவிளக்கில் ஏன் தீபமேற்றுகிறாய்?
இதய விளக்கில் காதல்
திரியாக திரிகிறது,   உனக்கு தெரிகிறதா?

உன் பயணங்களுக்கு  என்னிடம் விமானமில்லை,
ஆனால் உன்
சிறகுகளுக்கான
வானம்
என்னிடம் இருக்கிறது!

உன் விரல்களுக்கு என்னிடம்  மோதிரமில்லை,
ஆனால் உன்
விரலிடுக்குகளுக்கான
விரல்கள் என்னிடம்தான் இருக்கின்றன!

காதலில் நனைந்த
கவிதைகள் எத்தனை முறை சிலிர்த்தாலும்,
நடுங்கிக்கொண்டுதான்
இருக்கிறது
அணைத்துக்கொள்ள அவளில்லாமல்!